جوہانسبرگ (شِنہوا) چینی صدر شی جن پھنگ نے کہا ہے کہ چین نمیبیا کے ساتھ صاف توانائی سمیت مختلف شعبوں میں تعاون کو مضبوط بنانے کے لئے تیار ہے اور چینی کاروباری اداروں کو نمیبیا میں سرمایہ کاری کی ترغیب دی جائے گی۔

چینی صدر نے یہ بات 15 ویں برکس سربراہ اجلاس کے موقع پر نمیبیا کے صدر ہیج گینگوب سے ملاقات میں کہی۔

انہوں نے کہا کہ صدر گینگوب چینی عوام کے پرانے دوست ہیں جن کی چین کے ساتھ گہری محبت ہے۔ چین بنیادی مفادات پر اس کے موقف کی حمایت اور بین الاقوامی امور میں انصاف کی فراہمی اور حق کی آواز بلند کرنے پر صدر گینگوب کے بھرپور تعاون کو سراہتا ہے۔

چینی صدر نے کہا کہ چین اور افریقہ ایک جیسے تاریخی تجربات اور سخت جدوجہد کے حامل ہیں، چین بڑے اور چھوٹے ممالک کے درمیان مساوات اور باہمی احترام پر زور دیتا ہے۔

اس موقع پر نمییبا کے صدر گینگوب نے کہا کہ نمیبیا اور چین کے درمیان طویل المیعاد دوستی ہے۔ چین ہر قسم کے حالات کا دوست ہے اور اس سے بھی بڑھ کر ایک ایسا دوست ہے جس پر مشکل وقت میں بھروسہ کیا جاسکتا ہے۔

انہوں نے کہا کہ نمیبیا قومی آزادی اور خودمختاری کے ساتھ ساتھ قومی ترقی کی جدوجہد میں چین کے پختہ تعاون پر اس کا تہہ دل سے شکر گزار ہے۔