اقوام متحدہ (شِنہوا) ایک تازہ سروے میں یہ بات سامنے آئی ہے کہ اگرچہ زیادہ تر بچے اور نوجوان موسمیاتی تبدیلی بارے جانتے ہیں تاہم ان میں سے صرف آدھے ہی سمجھتے ہیں کہ یہ کیا ہے۔

اقوام متحدہ کے چلڈرن فنڈز (یونیسیف) اور گیلپ کے ایک سروے کے مطابق 55 ممالک میں 15 سے 24 برس کی عمر کے اوسطاً 85 فیصد نوجوانوں نے کہا کہ انہوں نے موسمیاتی تبدیلی بارے سنا ہے تاہم صرف 50 فیصد نے درست تعریف کی ہے۔

نوجوانوں میں موسمیاتی تبدیلیوں بارے شعور کا اندازہ لگانے کے لئے ان سے کہا گیا تھا کہ وہ ہرسال "موسم میں موسمیاتی تبدیلیوں" اور "زیادہ شدید موسمی واقعات اور انسانی سرگرمی سےاوسط عالمی درجہ حرارت میں اضافے" کے درمیان کسی ایک کا انتخاب کریں۔

موسمیاتی تبدیلی بارے اقوام متحدہ کے فریم ورک کنونشن کے تحت اس کا درست جواب "زیادہ انتہائی تبدیلیاں " تھا ۔ یہ سروے ایک ایسے وقت میں جاری کیا گیا ہے جب عالمی رہنما رواں سال اقوام متحدہ کی موسمیاتی تبدیلی کانفرنس (کوپ 28) کے لیے دبئی میں جمع ہوئے ہیں۔

یونیسیف کی ایگزیکٹو ڈائریکٹر کیتھرین رسل نے ایک پریس ریلیز میں کہا کہ موسمیاتی تبدیلی کے اثرات سے نمٹنے بارے اقدامات کرنے میں نوجوان سب سے بڑے ہیرو رہے ہیں۔ وہ سڑکوں پر یا میٹنگ رومز میں اس بارے اقدمات کا کہہ رہے ہیں اور ہمیں اس بات کو یقینی بنانے کے لئے اور بھی زیادہ کام کرنے کی ضرورت ہے کہ تمام بچے اور نوجوان اس بحران کو سمجھیں جو ان کے مستقبل پر منڈلارہا ہے۔