شین ژین (شِنہوا) چینی ٹیکنالوجی کمپنی ہواوے کو رواں سال کی ابتدائی 3 سہ ماہی کے دوران 456.6 ارب یوآن (تقریباً 63.6 ارب امریکی ڈالر) کی آمدن ہوئی جو گزشتہ برس کی نسبت 2.4 فیصد زائد ہے۔

کمپنی کی جاری کردہ ایک رپورٹ کے مطابق اس مدت کے دوران خالص منافع کی شرح 16 فیصد تھی۔

ہواوے کے چیئرمین ہو ہوکن نے بتایا کہ مجموعی کارکردگی توقعات کے مطابق رہی۔

سال 2023 کی پہلی ششماہی میں کمپنی کو 310.9 ارب یوآن کی آمدن ہوئی جو گزشتہ برس کی نسبت 3.1 فیصد زائد ہے جبکہ خالص منافع کی شرح 15 فیصد تھی۔