بیجنگ (شِنہوا)چین نے کہا ہے کہ وہ ویٹیکن کے ساتھ باہمی احترام اور مساوی بات چیت کی بنیاد پر اپنے تعلقات کو بہتر بنانے کے لیے تیار ہے۔

ویٹیکن کے تازہ ترین اعلان کے مطابق،  ویٹیکن اور چینی حکومت کے درمیان ہونے والے معاہدے کے مطابق تین چینی کیتھولک بشپوں کو گزشتہ ہفتے کے دوران تعینات کیا گیا۔

چین کی وزارت خارجہ کے ترجمان وانگ وین بین نے روزانہ کی پریس بریفنگ میں بتایا کہ چین اور ویٹیکن نے حالیہ برسوں میں رابطے کو برقرار رکھا ہے اور بشپس کی تقرری سے متعلق ہولی سی اور عوامی جمہوریہ چین کے درمیان عبوری معاہدے پر مکمل عمل درآمد کیا گیا ہے۔

وانگ نے کہا کہ چین باہمی احترام اور مساوی بات چیت کے اصولوں کی بنیاد پر ویٹیکن کے ساتھ اپنے تعلقات کو بہتر بنانے کے لیے تیار ہے۔