بیجنگ (شِنہوا) چین کے صدر شی جن پھنگ نے چین کی ہمسائیہ ممالک کے حوالے سے سفارت کاری کے بین الاقوامی سمپوزیم کے لئے پیغام بھیجا ہے جو منگل کو بیجنگ میں منعقد ہوا۔
صدر شی نے اپنے پیغام میں کہاکہ انسانیت کے ہم نصیب مستقبل کے ساتھ ایک کمیونٹی کی تعمیر کو فروغ دینے کے لیے چین دوستی، خلوص، باہمی مفاد اور شمولیت کے اصول پر عمل جاری رکھتے ہوئے خطے کے دیگر ممالک کے ساتھ مل کر امن، سکون، خوشحالی، خوبصورتی اور دوستانہ بقائے باہمی کے ایشیائی وطن کی تعمیر کے لیے مشترکہ طور پر ایک نیا باب تحریر کرے گا۔
انہوں نے کہا کہ چین کی ہمسایہ سفارت کاری کی بنیادی پالیسی اپنے پڑوسیوں کے ساتھ دوستی اور شراکت داری کو مضبوط بنانا اور ایک دوستانہ، محفوظ اور خوشحال ہمسائیگی کی تعمیر ہے جس میں ہم آہنگی، اخلاص، باہمی مفاد اور شمولیت کے اصول کو اجاگر کیا گیا ہے۔
چینی صدر نے کہا کہ گزشتہ دہائی کے دوران، چین نے مذکورہ اصول پر فعال طور پر عمل پیرا ہوتے ہوئے اپنے ہمسایہ ممالک کے ساتھ ہمہ گیر طریقے سے دوستانہ اور تعاون پر مبنی تعلقات استوار کیے دونوں فریقوں نے مسلسل سیاسی باہمی اعتماد کو فروغ دیا اور مفاد پر مبنی ہم آہنگی کو مستحکم کیا ہے۔
