دی ہیگ (شِنہوا) ہالینڈ کے ایک ماہر معاشیات نے کہا ہے کہ یورپی مارکیٹ میں چین کی نئی انرجی سے چلنے والی گاڑیوں (این ای ویز) کی مقبولیت میں اضافے کی وجہ صرف پرکشش قیمتیں نہیں بلکہ چینی کار سازوں کی جانب سے معیار میں بہتری کے حوالے سے بہت زیادہ پیش رفت ہے۔

آئی این جی بینک کے سینئر سیکٹر اکانومسٹ ریکو لومن نے شِنہوا کو دیے گئے ایک انٹرویو میں  کہا کہ یورپ میں 10 فیصد درآمدی محصول کے باوجود چینی الیکٹرک کاروں کی قیمتیں پرکشش ہیں جس کی وجہ سے وہ  صارفین کا اولین انتخاب ہیں۔

انہوں نے کہا کہ سستی ہونے کے علاوہ، چینی این ای ویزمتنوع ماڈلز کی حامل ہیں جس کی مثال بی وائی ڈی اور ایم جی جیسے برانڈز نے پیش کی ہے۔

 جرمنی  کے شہر میونخ میں انٹرنیشنل موٹر شو2023 میں لوگ  ایکس پھینگ بوتھ کا دورہ کرتے ہوئے۔(شِنہوا)

چینی این ای ویز کی موثر لاگت کوسراہتے ہوئے انہوں نے کہا کہ چینی کاروں کی مقبولیت کا باعث نہ صرف پرکشش قیمتیں ہیں ، بلکہ قابل ذکربات  یہ بھی ہے کہ سروے کے مطابق  یورپ میں ڈرائیور بھی ان کے معیار کے حوالے سے مثبت رائے رکھتے ہیں۔