بیجنگ(شِنہوا) چین کے خدمات کے شعبے میں 2023 کے پہلے دو مہینوں میں تیزتربحالی ریکارڈ کی گئی۔

بدھ کو قومی ادارہ شماریات (این بی ایس) کے جاری کردہ اعداد و شمار کے مطابق جنوری سے فروری کے عرصے میں ملک کی خدمات کی صنعت کی پیداوار کا اندازہ کرنے والے انڈیکس میں گزشتہ سال کی نسبت  5.5 فیصد اضافہ ہوا جس میں دسمبر 2022 میں 0.8 فیصد کی کمی کے بعد دوبارہ بہتری آئی ہے۔

انفارمیشن ٹرانسمیشن، سافٹ ویئر اور آئی ٹی سروسز کی کارکردگی جانچنے والے  ذیلی انڈیکس میں گزشتہ سال کی نسبت 9.3 فیصد اضافہ ہوا جبکہ رہائش اور کیٹرنگ کے شعبے  کی کارکردگی کے حوالے سے اس  انڈیکس میں 11.6 فیصد اضافہ ہوا۔

این بی ایس کے اعداد و شمار سے ظاہر ہوتا ہے کہ ملک کی ریلوے اور ہوائی نقل و حمل، پوسٹل سروسز، رہائش اور لیزنگ کی صنعت کافی فعال سطح پر آ گئی ہے۔

این بی ایس کے مطابق خدمات کے شعبے کی بحالی سے روزگار کے استحکام اوراضافے میں مدد ملے گی۔