ژینگ ژو (شِںہوا) لی جیاہوئی ایک ایسے خاندان سے تعلق رکھتے ہیں جن کی 3 نسلوں نے طبی شعبے میں خدمات انجام دی ہیں اور وہ چین کے وسطی صوبے ہائی نان کے شہر ژینگ ژو میں روایتی چینی ادویات مرکز کا انتظام سنبھالتے ہیں۔ گزشتہ ایک برس کے دوران ان کے کاروبار خاص کر فوڈ تھراپی کے شعبے میں نمایاں اضافہ ہوا ہے۔

لی نے کہا کہ انہوں نے ابتدائی طور پر یہ باورچی خانہ روایتی چینی ادویات مرکزمیں شروع کیا تھا تاکہ صارفین کو آسان اور صحت بخش کھانا مہیا کیا جاسکے۔ تاہم اب یہ ان نوجوانوں سے بھرا رہتا ہے جو روایتی چینی ادویات غذا کا تجربہ کرنے کے خواہش مند ہیں۔

لی اب پھلی دار بیل  کی جڑ اور شکرقندی کے دلیہ سے لیکر پوریا مشروم ، ایگ وافلز تک مختلف اقسام کے پکوان یومیہ فروخت کرتے ہیں۔

اسی طرح روایتی چینی جڑی بوٹیوں کے مشروبات کی بھی بہت زیادہ مانگ ہے جس کا ثبوت گزشتہ موسم گرما میں ترش آلو بخارے کے جوس کی وسیع پیمانے پر مقبولیت تھی۔

یہ روایتی مشروب اپنے خوشگوار ذائقے اور گرمی کم کرنے ، چکنائی کا مقابلہ کرنے اور بھوک تیز کرنے کے لئے مشہورہیں۔

ٹک ٹاک کے چینی ورژن ڈوین پر ایک وی لاگر نے مقامی روایتی چینی ادویات دواخانہ سے کاغذ میں پیک سیاہ آلو بخارا، ہوتھورن، نارنجی کا چھلکا اور دیگر اشیاء حاصل کرنے کے بعد اپنے مداحوں کے ساتھ اسے پرجوش انداز میں شیئر کرتے ہوئے کہا کہ آپ پورے ہفتے صرف 8.3 یوآن (تقریباً 1.17 امریکی ڈالر) میں ترش آلو بخارے کے مشروبات سے لطف اندوز ہوسکتے ہیں۔

اگرچہ روایتی چینی طبی طریقوں کے فوائد کو چین اور بیرونی دنیا عرصہ ہوا تسلیم کرچکی ہے تاہم یہ عمر رسیدہ آبادی میں زیادہ مقبول تھے۔

تاہم یہ منظر نامہ اب تبدیل ہورہا ہے۔ صحت مند رہنے کے لئے روایتی طریقوں کےاستعمال کے خیال نےسوشل میڈیا پرتوجہ حاصل کی ہے  اور متعلقہ طریقوں اور ترکیبوں بارے معلومات مختلف افراد تک پہنچی۔

جیسے ببل چائےکے شوقین کچھ افراد وولف بیری چائے پینے لگے ہیں،دفتری کارکن دوپہر کےکھانےکے  وقفے کے دوران کپنگ تھراپی کے لئے صحت مراکز کا دورہ کرتےاور موکسیبیشن ڈیوائسز اور فٹ اسپا ٹب بیشتر نوجوانوں کی خریداری کی فہرست کا حصہ بن چکے ہیں۔