بخارسٹ (شِنہوا)رومانیہ کے دارالحکومت بخارسٹ کے شمالی مضافات میں واقع بورڈی جھیل میں چینی ڈریگن بوٹ تہوار کے موقع پر چین ۔رومانیہ ڈریگن بوٹ دوستی دوڑ کا انعقاد کیا گیا۔مشرقی یورپی ملک میں اپنی نوعیت کی ایسی پہلی تقریب کا انعقاد کیا گیا ہے جس نے 500 سے زائد افراد کو اپنی جانب راغب کیا ہے۔ دوڑ کے بعد لوگوں کو چین میں عالمی ثقافتی ورثہ نمائش اور ثقافتی فن کے مظاہرہ سے لطف اندوز ہونے کے لئے مدعو کیا گیا۔رومانیہ میں چینی سفیر ہان چھون لِن نے افتتاحی تقریب کے دوران اس بات پر روشنی ڈالی کہ ڈریگن بوٹ تہوار چین کے چار روایتی تہواروں میں سے ایک ہے جس کی تاریخ 2 ہزار سال سے زائد ہے۔یہ چین میں پہلا تہوار بھی ہے جسے عالمی غیر مادی ثقافتی ورثے کی فہرست میں شامل کیا گیا۔ہان نے کہا کہ ڈریگن بوٹ تہوار کا جشن منانے کا مقصد اعلی روایتی چینی ثقافت کو آگے بڑھانا اور چینی قوم کے حب الوطنی اور اجتماعیت کے جذبے  کو اپنانا ہے۔انہوں نے عالمی تہذیبی اقدام کو عملی جامہ پہنانے، تبادلوں اور تہذیبوں کے مابین باہمی سیکھنے کو مضبوط بنانے، عوامی تعلقات کو بڑھانے اور چین۔رومانیہ دوستانہ تعلقات کی ترقی کو مسلسل فروغ دینے کے لئے مشترکہ کوششوں پر زور دیا۔مقابلے میں پانچ ٹیمز نے حصہ لیا۔ چینی سفیر اور رومانیہ کے مہمانوں نے ڈریگن کشتیوں پر ڈریگن آرائشی اشیا پر آنکھیں جمائے رکھیں۔ثقافتی میلے میں رومانیہ کے لوگوں کو مارشل آرٹس، رقص کے مظاہرے، چینی زیتھر موسیقی جیسے مختلف پروگراموں کی نمائش بھی کی گئی۔ ان فن کے مظاہروں سے مقامی آبادی میں چینی ثقافت کے لئے گہری دلچسپی پیدا ہوئی جسے شرکا نے تالیاں بجا کر داد دی۔