سینٹ پیٹرز برگ (شِنہوا) روس کے ایک اورئینٹلسٹ نے کہا ہے کہ چین کی پانچ ہزار سال پرانی تہذیب قومی شناخت اور ثقافتی ورثے کے تحفظ کی ایک عظیم مثال ہے۔

شِنہوا کے ساتھ ایک حالیہ انٹرویو میں  سینٹ پیٹرزبرگ اسٹیٹ یونیورسٹی میں چینی فلولوجی کے شعبے میں پروفیسر الیکسی روڈیونوف نے چینی ثقافت کی تعریف کی۔

طویل عرصے سے چینی زبان اور چینی ادب میں مصروف رہنے کے بعد  روڈیونوف نے اس بات پر زور دیا کہ چین کی ثقافتی خوشحالی ، طویل تاریخ اور دنیا پر قابل ذکر مثبت اثر و رسوخ اسے خاص طور پر پرکشش بناتے ہیں۔

روڈیونوف نے کہا کہ زبان سیکھنے اور چینی ثقافت کو سمجھنے نے ان کے لئے ایک بالکل مختلف دنیا کا انکشاف کیا ہے۔

انہوں نے شِنہوا کو بتایا کہ  زبان کے زیادہ مطا لعے  سے احساس ہوا کہ چینی عوام نے پوری تاریخ میں کتنا قیمتی تجربہ اکٹھا کیا ہے۔

روڈیونوف نے کہا کہ یہ کوئی اتفاق نہیں ہے کہ چینی تہذیب وہ واحد تہذیب ہے جو 5000 سال سے زیادہ عرصے سے غیر متزلزل رہی ہے اور چینی تہذیب کی پائیداری کی وجوہات میں سے ایک اس کی اقدار کا استحکام ہے۔