بشکیک(شِنہوا)روس کے وزیراعظم میخائل میشوسٹن نے کہا ہے کہ عالمی چیلنجوں سے نمٹنے کی صلاحیت پیداکرنا شنگھائی تعاون تنظیم( ایس سی او) کے رکن ممالک کی مشترکہ ترجیح ہے۔

میخائل میشوسٹن نے ایس سی او کے رکن ممالک کے سربراہان مملکت کی کونسل کے 22ویں اجلاس سے خطاب میں کہا کہ ایس سی او کو شہریوں اور کاروباری اداروں کو بڑھتی ہوئی مسابقت اور ہنگامہ خیزی، تحفظ پسندانہ اقدامات اور غیر قانونی پابندیوں سے محفوظ رکھنا چاہیے جو پوری دنیا میں سپلائی چینز میں خلل کا باعث بنے ہیں۔

میخائل میشوسٹن نے کہا کہ ہم مل کر اس مسئلے سے نمٹنے کے قابل ہو جائیں گے اور باہمی تجارتی حجم میں ترقی اس کا براہ راست ثبوت ہے۔

انہوں نے مزید کہا کہ اراکین کو خاص طور پر توانائی کی قیمتوں میں اتار چڑھاؤ کے تناظر میں ایندھن اور توانائی کے شعبے میں تعاون کووسعت دینے کی ضرورت ہے۔

روسی وزیر اعظم نے شنگھائی تعاون تنظیم کے رکن ممالک کے لیے ایک آزاد علاقائی ادائیگی اور تصفیہ کے طریقہ کار کے قیام کی تجویز بھی پیش کی۔