بیجنگ (شِنہوا) سمارٹ فون بنانے والی چینی کمپنی شیاؤمی نے بیجنگ میں ایک لانچ ایونٹ میں اپنی پہلی نئی توانائی سے چلنے والی گاڑی (این ای وی) کی نقاب کشائی کی۔

شیاؤمی نے کہا کہ ایس یو7 کا پیدا واری عمل شروع کردیا گیاہے اور 2024 میں مارکیٹ میں داخل ہونے کی توقع ہے۔ کمپنی نے کہا کہ اس نے اپنے پہلے مرحلے کے آٹو ریسرچ اینڈ ڈویلپمنٹ میں 10 ارب یوآن (تقریباً 1 ارب41 کروڑ ڈالر) سے زیادہ کی سرمایہ کاری کی ہے، جس میں 3ہزار400 سے زیادہ انجینئرز کی ٹیم شامل ہے۔ شیاومی نے الیکٹرک ڈرائیونگ، بیٹریاں، ذہین ڈرائیونگ اور ذہین کاک پٹ جیسے اہم شعبوں میں تکنیکی کامیابیاں حاصل کی ہیں، اور موٹرز اور بیٹری پیک جیسے پرزوں کے لیے کارخانے بنائے ہیں۔