شنگھائی(شِنہوا) شنگھائی کی غیر ملکی تجارت رواں سال کی پہلی ششماہی کے دوران گزشتہ سال کے مقابلے میں 11.4 فیصد اضافے کے ساتھ 20کھرب یوآن(تقریباً 280 ارب ڈالر) سے تجاوز کرگئی، جوسال کے اس عرصے کے لیے ریکارڈ بلند ترین سطح ہے۔

مقامی کسٹمز حکام کے مطابق  خاص طور پر، شہر کے نجی اداروں کا اس عرصے کے دوران غیر ملکی تجارت کی نمایاں نمو میں نصف سے زیادہ حصہ  ہے ، اور اس  سیکٹر کی درآمدات اور برآمدات میں گزشتہ سال کی نسبت 20.7 فیصد اضافہ ہوا،  جو غیر ملکی مالی اعانت سے چلنے والے اداروں اور سرکاری اداروں کے مقابلے میں زیادہ تیز ہے۔

اعدادوشمارکے مطابق شنگھائی کے نجی شعبے نے اس عرصے کے دوران ہر ایک دن تقریباً3ارب 54کروڑیوآن کی مجموعی درآمدی وبرآمدی قدر پیدا کی۔ جس سے یہ ظاہر ہوتا ہے کہ کس طرح یہ شعبہ شہر کی مسلسل غیر ملکی تجارت کی ترقی کے لیے ایک اہم محرک بن گیا ہے۔ مجموعی لحاظ سے  شنگھائی کی برآمدات اس سال کے پہلے چھ ماہ میں 846 ارب یوآن سے زیادہ تک پہنچ گئیں، جوگزشتہ سال سے 15.2 فیصد زیادہ ، جبکہ اس کی درآمدات 12کھرب50ارب یوآن رہیں، جوگزشتہ سال سے  9.1 فیصد زیادہ ہیں۔