شنگھائی (شِںہوا) شنگھائی کی بلدیہ حکومت نے طلب کو بڑھانے، نمو کو مستحکم کرنے اور ترقی کے فروغ بارے ایک ایکشن پلان کا آغاز کردیا ہے۔

32 پالیسیوں اور اقدامات کے ساتھ چین کا مشرقی شہر محصولات اور فیسوں بارے ترجیحی پالیسیوں پر مکمل طور پر عملدرآمد کرے گا جس میں نئی توانائی کی گاڑیوں کے لئے خریداری ٹیکس کی چھوٹ بھی شامل ہے۔

اس کے ساتھ ہی کاروباری اداروں میں روزگار پر آنے والے اخراجات میں کمی کے لئے بھی اقدامات کئے جائیں گے۔

کھپت کی بحالی اور فروغ کے لئے شنگھائی ان صارفین کو سبسڈی دے گا جو سبز اسمارٹ گھریلو آلات خریدیں گے۔ یہ ثقافتی سیاحت، کھیلوں، کیٹرنگ اور خوردہ فروشی کھپت کے واؤچر بھی جاری کرے گا۔

شنگھائی نے 2023 کے بعد سے 160 سے زیادہ اہم صنعتی منصوبوں پر دستخط کئے ہیں جس میں مجموعی طور 100 ارب یوآن (تقریباً 14.77 ارب امریکی ڈالرز) کی سرمایہ کاری کی  گئی ہے۔