شنگھائی(شِنہوا)چین کے شنگھائی کی میونسپل حکومت نے 2023 اور 2026 کے درمیان بنیادی ڈھانچے کی تعمیر کو فروغ دینے کے لیے اپنا تازہ ترین ایکشن پلان جاری کیا ہے جس میں کمپیوٹنگ پاور اور تیز رفتار مواصلاتی نیٹ ورک اہم ترجیحات میں شامل ہیں۔

جمعرات کو منعقدہ ایک پریس کانفرنس میں میونسپل حکومت نے کہا کہ شہر میں اب 88 ہزار فائیو جی بیس سٹیشن ہیں اور وہ 10 گیگا بٹس فی سیکنڈ (جی بی پی ایس ) سے زیادہ مواصلاتی صلاحیت کے ساتھ ایک آپٹیکل فائبر نیٹ ورک بنانے اور2026 کے آخر تک فائیوجی کے تحت جدید ٹیکنالوجیز تیارکرنے کے لیے کام کر رہا ہے۔

میونسپل حکومت نے امید ظاہر کی کہ بنیادی ڈھانچے کی نئی پالیسیوں کے نئے سلسلے سے موثر سرمایہ کاری کو بڑھانے اور شنگھائی کی ڈیجیٹل تبدیلی کو فروغ دینے میں مدد ملے گی۔