شنگھائی (شِںہوا) چین کے مالیاتی مرکز شنگھائی نے نجی سرمایہ کاری کو فروغ دینے کے لئے ٹیکس مراعات اور کم فنڈنگ اخراجات سمیت اقدامات متعارف کرائے ہیں۔

شنگھائی بلدیاتی ترقی و اصلاحات کمیشن کے سربراہ گو جون نے ایک پریس بریفنگ میں بتایا کہ 2023 کے ابتدائی 4 ماہ کےدوران شنگھائی میں نجی سرمایہ کاری میں گزشتہ برس کی نسبت 19.8 فیصد اضافہ ہوا ہے۔

اقدامات میں نجی کاروباری اداروں کے لئے مربوط مارکیٹ تک رسائی کی ضمانت دینے کے لئے نظرنہ آنے والی رکاوٹیں ختم کرنا اور انہیں 14 ویں 5 سالہ منصوبہ (2025-2021) کے بڑے منصوبوں میں حصہ لینے کی ترغیب دینا شامل ہے۔

حکام مائیکرو، چھوٹے اور درمیانے کاروباری اداروں ، سائنسی اور تکنیکی اختراع کے لئے ٹیکس مراعات دیں گے۔ زمین کی کم قیمتوں کو یقینی بنایا جائے گا۔

وہ نجی کاروباری اداروں کے لئے فنڈنگ چینلز کو وسعت دینے میں بھی مدد کریں گے اور کم فنڈنگ لاگت سے ان منصوبوں سے تعاون کے لئے مالیاتی اداروں کی رہنمائی کریں گے۔

نجی سرمائے کو سائنسی و تکنیکی اختراع کے منصوبوں اور مربوط سرکٹس، بائیو میڈیسن اور مصنوعی ذہانت صنعتوں میں سرمایہ کاری کرنے کی ترغیب دی جائے گی۔

نجی سرمایہ کاروں کو کمپیوٹنگ پاور، نئی اور قابل تجدید توانائی سمیت ڈیجیٹل بنیادی ڈھانچے میں سرمایہ کاری کرنے کی بھی ترغیب دی جائے گی۔

حکام نے جائیداد شعبے میں نجی سرمایہ کاری مستحکم کرنے اور نجی سرمائے کو دیہی بحالی اور سماجی خدمات بشمول صحت دیکھ بھال و تعلیم میں سرمایہ کاری کرنے کی ترغیب دی ہے۔

گو نے بتایا کہ اگلے مرحلے میں ہم نجی سرمایہ کاری کے حجم اور معیار کو یقینی بنانے کے لئے ان اقدامات پر سختی سے عمل درآمد کریں گے اور اعلیٰ معیار کی اقتصادی ترقی کے فروغ میں نجی سرمایہ کاری کو بہتر کردار دیں گے۔