بیجنگ(شِنہوا) شِنہوا انسٹی ٹیوٹ نے تیسرے بیلٹ اینڈ روڈ فورم برائے بین الاقوامی تعاون کے دوران بیلٹ اینڈ روڈ کی ترقی سے متعلق ایک جائزہ تحقیقی رپورٹ جاری کی ہے۔
"دی بیلٹ اینڈ روڈ ڈیولپمنٹ اسٹڈیز - گلوبل ڈویلپمنٹ کے لیے ایک ہم آہنگ نقطہ نظر" کے عنوان سے رپورٹ کی نقاب کشائی شِنہوا نیوز ایجنسی کے صدر فو ہوا نے تھنک ٹینک کے تبادلوں کے عنوان سے ہونے والے فورم میں کی۔
رپورٹ چھ حصوں پرمشتمل ہے،جس میں دیگر کے علاوہ مختصر تاریخ، نظریاتی منطق اور بیلٹ اینڈ روڈ ڈویلپمنٹ اسٹڈیز کی عالمی اہمیت شامل ہیں۔ رپورٹ عالمی ترقی اور گورننس سے متعلق بیلٹ اینڈ روڈ تعاون سے حاصل ہونے والے نئے عملی تجربات اور نظریات کا علمی تجزیہ، خلاصہ اور وضاحت پیش کرتی ہے فورم سے خطاب کرتے ہوئے فو نے کہا کہ صدر شی جن پھنگ کے تیسرے بیلٹ اینڈ روڈ فورم برائے بین الاقوامی تعاون کی افتتاحی تقریب سےکیے گئے کلیدی خطاب نے بیلٹ اینڈ روڈ کے مشترکہ منصوبے کو اعلیٰ معیار کی ترقی کے نئے مرحلے میں آگے بڑھانے کا خاکہ پیش کیا ہے۔
انہوں نے کہا کہ صدرشی کے خطاب نے بیلٹ اینڈ روڈ تھنک ٹینکس کے درمیان تبادلوں اور تعاون کو آگے بڑھانے کے لیے بھی اہم رہنمائی فراہم کی۔
فو نے بتایاکہ یہ رپورٹ شِنہوا انسٹی ٹیوٹ کی بیلٹ اینڈ روڈ اسٹڈیز پر تازہ ترین تحقیق کا نچوڑ ہے۔ انہوں نے کہا کہ شِنہوا نیوز ایجنسی متعلقہ تحقیق میں دنیا بھر کے تھنک ٹینکس کے ساتھ تعاون اور بیلٹ اینڈ روڈ کو ہم نصیب خوشحالی، دیرپا سلامتی اور تہذیبوں کے ایک دوسرے سے سیکھنے اور تعامل کے وسیع راستے پر آگے بڑھنے میں مدد کرنے کے لیے تیار ہے۔
