بیجنگ (شِنہوا) کمیونسٹ پارٹی آف چائنہ (سی پی سی) کے ایک سینئر عہدیدار نے عوام کی سائنسی خواندگی کی بہتری کے لئے سائنس کو مقبول بنانے بارے مسلسل کوششوں پر زور دیا ہے ۔

انہوں نے چینی جد ت سازی کو آگے بڑھاتے ہوئے سائنس و ٹیکنالوجی میں اعلیٰ معیار کی خود انحصاری اور طاقت کے حصول کے لئے نئی شراکت پر  بھی زور دیا ہے۔

یہ بات سی پی سی کی مرکزی کمیٹی کے سیاسی بیورو کی قائمہ کمیٹی کے رکن اور سی پی سی مرکزی کمیٹی کے سیکرٹریٹ کے رکن کائی چھی نے  رواں سال کے سائنس پاپولرائزیشن ڈے کے موقع پر ہونے والی سرگرمیوں میں شرکت کے دوران کہی۔

کائی نے سائنس و ٹیکنالوجی کے شعبے میں سماجی تنظیموں اور پیشہ ور افراد پر زور دیا کہ وہ اپنے کام کو ملک کے سب سے بنیادی مفادات پر مرکوز کریں اور جدت سازی  پر مبنی ترقی کو آگے بڑھانے میں سائنس کو مقبول بنانے کے بنیادی کردار کو مکمل طور پر ادا کرنے کی ذمہ داری اٹھائیں۔

انہوں نے نوجوانوں کی حوصلہ افزائی کی کہ وہ سائنس و ٹیکنالوجی کی جدت سازی  میں اعلیٰ مقام حاصل کریں اور جلد از جلد سائنس و ٹیکنالوجی میں اعلیٰ معیار کی خود انحصاری اور طاقت کے حصول میں اپنا کردار ادا کریں۔

سی پی سی مرکزی  کمیٹی کے سیاسی بیورو کے رکن اور سی پی سی مرکزی کمیٹی کے شعبہ تشہیر کے سربراہ لی شولی نے بھی اس تقریب میں شرکت کی۔

چین میں مسلسل 20 سال سے سائنس کی مقبولیت کا دن منایا جا رہا ہے۔ اس سال کی تقریب کا موضوع "سائنس اور ٹیکنالوجی میں خود انحصاری اور طاقت کو بڑھانے کے لئے عوام کی  سائنس بارے  خواندگی کو بہتر بنانا" ہے۔