بیجنگ (شِنہوا) کمیونسٹ پارٹی آف چائنہ (سی پی سی) کی مرکزی کمیٹی نے پوری پارٹی سے کہا ہے کہ وہ صدر شی جن پھنگ کی جانب سے انجام دیےگئے چیدہ چیدہ فرائض پر مبنی نئی کتابی سیریز کی حال ہی میں شائع ہونے والی پہلی دو جلدوں کا مطالعہ کریں۔

سی پی سی کی مرکزی کمیٹی کی جانب سے جاری نوٹس  کے مطابق پہلی دو جلدوں میں نومبر 2012 سے اکتوبر 2022 تک کمیونسٹ پارٹی آف چائنہ کی مرکزی کمیٹی کے جنرل سیکرٹری صدر شی کی جانب سے انجام دیے گئے اہم امور شامل ہیں۔

پیر کو جاری نوٹس میں کہا گیا ہے کہ پوری پارٹی اور ملک بھر کے عوام کے لیے نئی اشاعتوں کا بغور مطالعہ کرنا بہت اہمیت کا حامل ہے تاکہ وہ سی پی سی کی مرکزی کمیٹی کے صدر شی کی سوچ، سیاسی موقف، اور مشترکہ طور پر نئے دور میں چینی خصوصیات کے حامل سوشلزم کے مقصد کو آگے بڑھانے کی کوششوں کی بھرپور طور سے پیروی کرسکیں۔

نوٹس میں تمام سطحوں پر پارٹی کمیٹیوں اور سرکردہ پارٹی ممبران کے گروپوں پر زور دیا گیا ہے کہ وہ پارٹی ممبران اور عہدیداروں کو اشاعتوں کا مطالعہ کرنے کے لیے منظم کریں اور اس مطالعے کونئے دور کے لیے شی جن پھنگ کے چینی خصوصیات کے حامل سوشلزم کے بارے میں فکری مطالعہ اور اس پر عمل درآمد کے لیے پارٹی کی وسیع تعلیمی مہم کا ایک اہم حصہ بنائیں۔

علاوہ ازیں اس میں ہر سطح پر پارٹی اسکولوں سے کہا گیا ہے کہ وہ ایسے تربیتی پروگرام شروع کریں جن کا مرکزی خیال نئی اشاعتوں پر مبنی ہو۔