بیجنگ (شِنہوا)امریکہ کے قومی سلامتی ادارے کے ایک سابق جنرل قونصل نے کہا ہے کہ  کچھ امریکی سیاست دان چین کے بارے میں  غلط فہمیوں کا شکار ہیں اور عجیب و غریب اور غیر منطقی بیانات سے خوف پھیلا رہے ہیں جن کا مقصد  اپنی قومی سالمیت کے تحفظ کے نام پر چین کو بدنام کرنا ہے۔

وال اسٹریٹ جرنل میں امریکی قومی سلامتی ادارے کے ایک سابق جنرل قونصل کے حوالے سے شائع ایک رپورٹ میں کہا گیا ہے کہ چین مصنوعی ذہانت کا استعمال کرتے ہوئے تقریباً ہر امریکی کے خلاف ڈوزیئر تیار کرسکتا ہے جس سے ہماری قومی سالمیت کو شدید خطرہ لاحق ہوسکتاہے۔ اس طرح کے بیانات بے بنیاد، سنسنی خیز اور بالکل غیرذمہ دارانہ ہیں۔

ان بیانات کا مقصد چین کو نقصان پہنچانا ہے۔ یہ بیان امریکی سینیٹر رک اسکاٹ کے اس سے بھی زیادہ مضحکہ خیز دعویٰ کے کچھ عرصے بعد سامنے آیا ہے جس میں  انہوں نے 6 دسمبر کو امریکی وزیر تجارت جینا ریمونڈو کو لکھے گئے ایک خط میں چین سے درآمد شدہ لہسن سے امریکی قومی سالمیت کو لاحق خطرے کی تحقیقات کی درخواست کی تھی۔ یہ دعویٰ ناقابل فہم اور اور چین کے بارے میں کچھ امریکی عہدیداروں کا سیاسی پاگل پن ظاہر کرتے ہیں۔

حالیہ برسوں میں امریکہ نے چین کو ہدف بنانے کے لیے قومی سالمیت کا غلط استعمال کیا ہے۔ امریکہ نے افواہیں پھیلانے اور گمراہ کن سوچ کے تحت بغیر کسی ٹھوس ثبوت انسانی حقوق اور امریکی قومی سالمیت کے تحفظ کے بہانے چینی کمپنیوں اور افراد پر پابندیاں عائد کیں۔

وال اسٹریٹ جرنل کی تازہ ترین رپورٹ اس کی ایک اور مثال ہے کیونکہ اس میں چین کو "خطرے" کے طور پر یا اس کے طرز عمل کو پیش کرتے ہوئے  کثرت سے " ہوسکتا ہے" اور " خیال کیا جاتا ہے" جیسے الفاظ استعمال کئے گئے ہیں جو اس قیاس آرائی کو واضح کرتے ہیں۔

حقیقت یہ ہے کہ امریکہ دنیا کی سب سے بڑی ہیکنگ سلطنت کا نمائندہ ہے اور سب سے بڑا عالمی سائبر چور ہے۔امریکی حکومت نے دوسرے ممالک کے خلاف بڑے پیمانے پرمنظم اور بغیر کسی امتیاز سائبر جاسوسی کی ہے۔