بیجنگ (شِنہوا) نیشنل پیپلز کانگریس کی قائمہ کمیٹی کے نائب چیئرمین لی ہونگ ژونگ نے بیجنگ میں کانگو پارٹی آف لیبر کے جنرل سیکرٹری پیری موسیٰ کی قیادت میں آئے ایک وفد سے ملاقات کی ہے۔
کمیونسٹ پارٹی آف چائنہ (سی پی سی) کی مرکزی کمیٹی کے سیاسی بیورو کے رکن لی نے کہا کہ دونوں سربراہان مملکت نے قریبی رابطے برقرار رکھے اور ایک اہم اتفاق رائے پر پہنچے ہیں جس نے نئے دور میں چین اور جمہوریہ کانگو کے درمیان تعلقات کی ترقی کی سمت کی نشاندہی کی۔
لی نے مزید کہا کہ چین ،کانگو کے ساتھ دونوں ممالک کی سیاسی جماعتوں اور قانون ساز اداروں کے مابین دوستانہ تبادلوں کو مضبوط بنانے، مختلف شعبوں میں باہمی فائدہ مند تعاون کو گہرا کرنے اور دونوں ممالک کے درمیان جامع اسٹریٹجک تعاون کی شراکت داری کو ایک نئی سطح پر لے جانے کے لئے کام کرنے بارے تیار ہے۔
موسیٰ نے کہا کہ کانگو سی پی سی کے گورننس کے تجربے سے سیکھنے، دونوں ممالک کی سیاسی جماعتوں اور قانون ساز اداروں کے مابین تبادلوں کو مضبوط بنانے اور دونوں ممالک کے درمیان دوستانہ تعاون کو فروغ دینے کا خواہش مند ہے۔
