بیجنگ (شِنہوا) چینی سینئر قانون ساز 20 ویں سی پی سی سنٹرل کمیشن  فار ڈسپلن انسپکشن کے تیسرے مکمل اجلاس میں کمیونسٹ پارٹی آف چائنہ کی مرکزی کمیٹی کے جنرل سیکرٹری شی جن پھنگ کے کلیدی خطاب  کا مطالعہ کرنے کےلئے یکجا ہوئے۔

چین کی اعلیٰ ترین مقننہ قومی عوامی کانگریس  کی قائمہ کمیٹی کے سرکردہ پارٹی ارکان کے گروپ اجلاس میں صدر شی جن پھنگ کی تقریر پر عمل درآمد کے بارے میں اقدامات اور پارٹی کی تنظیم نو پر اجلاس کے رہنما اصولوں اور عوامی کانگریس کے حقیقی کام پر تبادلہ خیال کیا گیا۔

قومی عوامی کانگریس کی قائمہ کمیٹی کے چیئرمین اور اس کے سرکردہ پارٹی ارکان گروپ کے سیکرٹری ژاؤ لی جی نے اجلاس کی صدارت اور تقریر کی۔

اجلاس میں اس بات پر زور دیا گیا کہ قومی عوامی کانگریس کی قائمہ کمیٹی کے سرکردہ پارٹی ارکان گروپ کو خود اصلاح کا جذبہ برقرار رکھنا اور مسلسل خود اعتمادی ، تحمل اور خود اصلاح کا کام کرنا چاہئے۔

اجلاس میں پارٹی کے طرز عمل میں مسلسل بہتری اور بدعنوانی کے خلاف کارروائی کی ضرورت پر بھی روشنی ڈالتے ہوئے کہا گیا کہ تمام امور ایک عملی حل پر مبنی نقطہ نگاہ کے تحت انجام دیئے جائیں۔

اجلاس میں کمیونسٹ پارٹی آف چائنہ کی مرکزی کمیٹی کے فیصلوں اور منصوبوں پر بہترعمل درآمد ممکن بنانے کے لئے قومی انسداد بدعنوانی قانون سازی میں پیشرفت کی کوششیں جاری رکھنے کا بھی عہد کیا گیا۔