اقوام متحدہ (شِنہوا) اقوام متحدہ میں چین کے مستقل نمائندے ژانگ جون نے زور دیاہے کہ سلامتی کونسل کو اپنے بنیادی مینڈیٹ پر توجہ مرکوز رکھتے ہوئے عملی مسائل کے حل کے لیے پرعزم رہنا چاہیے۔ سلامتی کونسل کے طریقہ کار کے حوالے سےسلامتی کونسل کی کھلی بحث میں اظہار خیال کرتے ہوئے ژانگ نے کہا کہ کونسل کو اپنے بنیادی مینڈیٹ پر توجہ دینی چاہیے۔ دنیا کو تیزی سے ابھرتے ہوئے بحرانوں اور چیلنجوں کا سامنا ہے۔ کونسل کو اپنے مینڈیٹ کو پورا کرنا چاہیے، لیکن وہ بہت زیادہ کام کرنے سے قاصر ہے، اس لیےاسے  اپنی توانائیاں بڑے مسائل کے حل پر مرکوز کرنے کی ضرورت ہے۔ جس سے امن اور سلامتی کو خطرہ ہے۔ انہوں نے مزید کہا کہ ہم کونسل اور اقوام متحدہ کے دیگر اداروں کے درمیان ضرورت سے زیادہ وسائل اور اوور لیپنگ کے موضوعاتی مسائل کی حمایت نہیں کرتے۔ مزید برآں، ہم سیاسی مقاصد کے تحت انفرادی ممبران کے طرز عمل کی مخالفت کرتے ہیں، جس میں ملک کے مخصوص انسانی حقوق کے مسائل پرکونسل میں بحث پر زور دیا جاتا ہے۔  ژانگ نے کہا کہ کونسل کے اجلاس، بیانات اوردستاویزات اہداف کے حصول کا ایک ضروری ذریعہ ہیں۔