اقوام متحدہ (شِنہوا) اقوام متحدہ کی سلامتی کونسل کے ارکان نے چین کے سابق صدر جیانگ ژیمن کی یاد میں ایک منٹ کی خاموشی اختیار کی۔بدھ کو اجلاس کے آغاز میں، اقوام متحدہ میں سلامتی کونسل کے ماہ نومبر کے صدر گھانا کے مستقل نمائندے، ہیرالڈ اگیمن نے کونسل کے اراکین کی جانب سے،جیانگ ژیمن کے انتقال پر چینی حکومت اور عوام کے ساتھ گہری ہمدردی کا اظہار کیا۔ اگیمن نے کہا کہ سابق صدر جیانگ ژیمن کو عالمی برادری کی طرف سے عالمی امن، سلامتی اور ترقی کے لیے ان کی کوششوں ،چین میں اصلاحات، اس کےمعاشی  کھلے پن، جدت  اور اقتصادی ترقی میں ان کے کردار کے لیے یاد رکھا جائے گا۔ انہوں نے کہا کہ جیانگ ژیمن کا انتقال  چین اور عالمی برادری کے لیے بہت بڑا نقصان ہے۔