چھونگ چھنگ(شِنہوا)چین کی چھونگ چھنگ میونسپلٹی میں پیر کو شروع ہونے والی چائنہ سمارٹ ایکسپو میں 213 ارب 80 کروڑ یوآن (تقریباً 29 ارب 40 کروڑ ڈالر) مالیت کےمعاہدوں  پر مشتمل 84 سرمایہ کاری منصوبوں پردستخط کیے گئے۔

ایکسپو کے منتظم کے مطابق  منصوبوں میں سمارٹ کنیکٹڈ الیکٹرک گاڑیاں، بائیو فارماسیوٹیکل، سافٹ ویئر اور انفارمیشن سروسز، نئی توانائی، اور نئی توانائی ذخیرہ کرنے والی ٹیکنالوجیز شامل ہیں۔

 بدھ تک جاری رہنے والی ایکسپو میں  توجہ سمارٹ اور مربوط نئی توانائی کی گاڑیوں پر مرکوز ہے جس نے سمارٹ انڈسٹریز اور ڈیجیٹل اکانومی میں اپنی جدید ٹیکنالوجیز، مصنوعات اور ایپلیکیشنز کو پیش کرنے کے لیے اندرون و بیرون ملک سے 500 سے زیادہ نمائش کنندگان کو راغب کیا ہے۔