فوژو(شِنہوا) چین کے مشرقی صوبے فوجیان کے دارالحکومت فوژو میں اختتام پزیر ہونے والی پہلی سمندر پار چینی ٹیلنٹ کانفرنس برائے ترقی میں 7ارب 1کروڑ90لاکھ یوآن(تقریباً98 کروڑ92لاکھ ڈالر) مالیت کے معاہدے طے پائے۔

آل چائنہ فیڈریشن آف ریٹرنڈ اوورسیز چائنیز اور فوجیان کی صوبائی حکومت کی مشترکہ میزبانی میں یہ کانفرنس بدھ سے جمعہ تک منعقد ہوئی۔ تقریب کے دوران،سمندر پار چینی ٹیلنٹ  اور اہم شعبوں میں اقتصادی ترقی سے متعلق سرگرمیوں کا انعقاد کیا گیا جس میں تعلیمی تبادلے اور جدت کے حوالے سے  نمائشیں شامل تھیں۔ فوژو بیرون ملک مقیم  بہت سے چینیوں کا آبائی شہر ہونے کی وجہ سے مشہور ہے اعداد و شمار کے مطابق، فوژو سے 43 لاکھ  سے زیادہ چینی اس وقت 170 سے زیادہ ممالک اور خطوں میں مقیم ہیں۔