ارمچی( شِنہوا) چین کے  شمال مغربی سنکیانگ ویغور خود اختیار علاقے میں ایکسپریس وے شاہراہوں کی لمبائی 2023 کے آخر تک 7ہزار700 کلومیٹر سے تجاوز کر گئی تھی۔

علاقائی ٹرانسپورٹ ڈیپارٹمنٹ کے مطابق زمینی رقبے کے لحاظ سے چین کے سب سے بڑے صوبائی سطح کے علاقے ، سنکیانگ نے اپنی  ٹرانسپورٹیشن کو بہتر بنانے کے لیے بہت زیادہ سرمایہ کاری کی ہے۔  گزشتہ سال ٹرانسپورٹ کے بنیادی ڈھانچے میں 83 ارب یوآن(تقریباً11 ارب  58کروڑ  ڈالر)کی سرمایہ کاری کی گئی۔

2023 میں، سنکیانگ میں تقریباً 5ہزار200 کلومیٹر نئی سڑکوں کو ٹریفک کے لیے کھولا گیا جس سے شاہرات کی مجموعی  لمبائی 2لاکھ  20ہزارکلومیٹر سے زیادہ ہوگئی ہے۔

محکمہ کے نائب سربراہ  لی شیو ڈونگ  نے کہا کہ سنکیانگ ایک جدید روڈ نیٹ ورک کو مزید مضبوط اور بہتر بنائے گا جو محفوظ، آسان اور موثر ہو۔

لی نے مزید کہا کہ خود اختیار علاقے میں اس سال سڑکوں کی تعمیر میں68ارب50 کروڑ یوآن سرمایہ کاری کا ارادہ ہے۔