ارمچی (شِنہوا) چین کے شمال مغربی سنکیانگ ویغورخود اختیار خطے کے دارالحکومت ارمچی میں (چین) یوریشیا اجناس اور تجارتی نمائش 2023 شروع ہوگئی ہے جس میں تجارتی فروغ پر توجہ مرکوز کی گئی ہے۔

رواں سال کی نمائش کا موضوع " شاہراہ ریشم کی روح کے فروغ سے یوریشین تعاون کا استحکام " ہے۔ نمائش کا رقبہ 70 ہزار مربع میٹرز ہے۔

منتظمین کے مطابق نمائش میں 7 عالمی تنظیمیں شرکت کررہی ہیں ۔ نمائش نے 40 ممالک اور خطوں کے 1 ہزار 300 کاروباری اداروں کو اپنی سمت متوجہ کیا جس میں دنیا کے صف اول کے 500 اداروں میں سے 25 شامل ہیں۔

نمائش میں مجموعی طور پر 33 تجارتی اور سرمایہ کاری کی تشہیری سرگرمیوں کا انعقاد کیا جائے گا۔ اس موقع پر علاقائی اقتصادی تعاون جیسے موضوعات پر فورمز بھی منعقد ہوں گے۔ نمائش 5 روز جاری رہے گی ۔

2015 سے اب تک 3 مرتبہ (چین) یوریشیا اجناس اور تجارتی نمائش کا انعقاد کیا جاچکا ہے جس میں 47 ممالک اور خطوں کے 3 ہزار 700 سے زائد کاروباری ادارے شرکت کرچکے ہیں۔