ارمچی(شِنہوا) چین کے شمال مغربی سنکیانگ ویغور خود اختیارعلاقے میں غیر مادی ثقافتی ورثے کی نمائش 23 سے 27 اگست تک منعقد ہوگی۔ سنکیانگ کے علاقائی ثقافت وسیاحت کے محکمے نے بتایا کہ نمائش میں 330 غیر مادی ثقافتی ورثے کے منصوبے پیش کیے جائیں گے جس میں سنکیانگ اوراس کی  مدد کرنے والے دیگر صوبائی سطح کے 19 علاقوں سے 296 ثقافتی ورثے کے شاہکار پیش کیے جائیں گے۔

   ان منصوبوں میں مشرقی صوبےجیانگ سو کے شہر سوژو کی کڑھائی اور سنکیانگ سے تعلق رکھنے والے بارہ موقام شامل ہیں، جو ویغور نسلی گروپ کی روایتی موسیقی ہے۔

یہ نمائش، وزارت ثقافت وسیاحت اور سنکیانگ کی علاقائی حکومت کے زیر اہتمام مشترکہ طور پر، سنکیانگ کےجنوبی اکسو پریفیکچر کے شہر اکسو میں منعقد کی جائے گی۔ پانچ روزہ ایونٹ میں تجرباتی سرگرمیاں بھی شامل ہوں گی جن میں پروجیکٹس کو پیش کیا جائے گا۔