شنگھائی (شِنہوا) چینی کارساز کمپنی ایس اے آئی سی موٹرز نے اعلان کیا ہے کہ انہوں نے تھائی لینڈ میں نئے توانائی صنعتی پارک کی تعمیر کا آغاز کر دیا جس سے توقع ہے کہ کمپنی کی نئی توانائی گاڑیوں (این ای ویز) کے لئے اہم آٹو پارٹس کی مقامی پیداور پر توجہ دی جائے گی۔

کارساز کمپنی کا کہنا ہے کہ پارک کے پہلے مرحلے کی تعمیر کے رواں سال مکمل ہونے کا تخمینہ لگایا گیا ہے جبکہ 2025 تک پارک کی تعمیر کا کام مکمل کر دیا جائے گا۔

چھون بیوری صوبہ میں واقع یہ نیا توانائی پارک 1 لاکھ 20 ہزار مربع میٹرز پر محیط ہو گا اور یہ پارک معیاری ورکشاپس، کنٹینر یارڈ، لاجسٹک گودام کے ساتھ ساتھ نکاسی آب کے نظام اور پارکنگ سمیت مکمل سہولیات پر مشتمل ہو گا۔

متعدد اپ اسٹریم نئی توانائی گاڑیوں کے بنیادی اور اہم کاروباری اداروں نے مستقبل میں صنعتی پارک میں آباد ہونے کے ارادے کا اظہار کیا ہے۔

2013کے اوائل میں ایس اے آئی سی نے چارون پوک پھنڈگروپ کے ساتھ مل کر مشترکہ منصوبے کے تحت ایس اے آئی سی موٹر۔سی پی قائم کیا تاکہ جنوب مشرقی ایشیائی ممالک کی ایسوسی ایشن (آسیان) میں وسیع مارکیٹ کو ترقی دی جا سکے۔