بیجنگ (شِنہوا) چینی مین لینڈ کے ترجمان نے تائیوان کے کاروباری اداروں پر زور دیا کہ وہ اعلیٰ معیار کی ترقی کے حصول کے لیے مین لینڈ کی ترقی کے نئے ماڈل میں بہتر طور پرضم ہوں۔ ریاستی کونسل کے تائیوان امور دفتر کے ترجمان چھن بن ہوا نے یہ بیان بدھ کو پریس کانفرنس کے دوران ہائی ٹیک ریسرچ اور کاروباری اداروں کی ترقی میں معاون حالیہ پالیسی کے حوالے سے ایک سوال کا جواب دیتے ہوئےدیا۔ اس بات کا ذکر کرتے ہوئے کہ وزارت خزانہ اور کچھ دیگر محکموں کی طرف سے جاری کردہ پالیسی مین لینڈ پر رجسٹرڈ تمام متعلقہ اداروں بشمول تائیوان سے تعلق رکھنے والے اداروں کا احاطہ کرتی ہے ترجمان نے کہا کہ مین لینڈ پالیسیوں اور اقدامات کو بہتر بنانا جاری رکھے گا جس سے تائیوان کے ہم وطنوں اور ان کے کاروبارکو فائدہ پہنچے، بہتر کاروباری ماحول پیدا ہواور تائیوان کے کاروباری اداروں کومین لینڈ پر بہتر ترقی کرنے میں مدد ملے۔
ترجمان نے اس امید کا بھی اظہار کیا کہ تائیوان کے کاروباری ادارے ان سازگار پالیسیوں کا بہتر استعمال کریں گے۔
