لہاسا(شِنہوا)چین کے جنوب مغربی خودمختار خطے تبت کے شہر نینگ چھی میں امدادی اہلکاروں نے منگل کے روز برفانی تودہ گرنے کے باعث بند ہونیوالی گزرگاہ کو کھول دیا ہے۔

برفانی تودوں سے متعلق ہنگامی ریسکیو ہیڈکوارٹرز نے جمعہ کے روز بتایا کہ برفانی تودے کے باعث میڈوگ کاؤنٹی کو نینگ چھی کے قصبے پاڈ سے جوڑے والی سرنگ کے خارجی مقام پر شاہراہ بند ہو گئی تھی جس کی وجہ سے متعدد افراد اور گاڑیاں پھنس گئی تھیں۔

علاقائی اتھارٹی نے بچ جانے والے افراد ، متاثرین اور ملبے میں دبی گاڑیوں کی تلاش کیلئے 696 پیشہ ور امدادی اہلکاروں کو جائے وقوعہ پر بھیجا۔

جمعرات کی شام 6 بجے تک امدادی اہلکاروں نے سانحہ میں متاثر ہونیوالے 13 افراد کی لاشیں تلاش کر لی تھیں۔

امدادی کارکنوں کی حفاظت کی خاطر ریسکیو ہیڈکوارٹرز نے موسمیاتی ڈیٹا کی نگرانی کیلئے موبائل موسمیاتی اسٹیشنز کا استعمال کیا اور ثانوی برفانی تودوں کی نگرانی اور انتباہ بھیجنے کیلئے چوکیاں قائم کیں۔