بیجنگ (شِنہوا) چینی وزارت خارجہ کے ترجمان نے کہا ہے کہ چین اعلیٰ سطح کے کھلے پن کو وسعت دینے، کاروباری ماحول بہتر بنانے، جملہ حقوق کے تحفظ بڑھانے، ایک کھلے عالمی سطح کے مسابقتی اختراعی ایکو نظام کی تشکیل اور چین کی ترقیاتی کامیابیوں کا دنیا کے ساتھ اشتراک کا سلسلہ جاری رکھے گا۔
میڈیا رپورٹس کے مطابق چین میں عالمی مالیاتی فنڈ (آئی ایم ایف) کے سینئر ریزیڈنٹ نمائندے اسٹیون بارنیٹ نے ایک انٹرویو میں کہا تھا کہ 2023 کی عالمی اقتصادی ترقی میں چین کا حصہ ایک تہائی ہوگا۔ انہوں نے پیش گوئی کی تھی 2024 میں اعلیٰ اور زیادہ لچکدار ترقی چین کی دسترس میں ہے۔
چینی وزارت خارجہ کے ترجمان وانگ وین بِن نے روزمرہ کی نیوز بریفنگ کے دوران کہا کہ حال ہی میں آئی ایم ایف اور آرگنائزیشن فار اکنامک کوآپریشن اینڈ ڈیویلپمنٹ (او ای سی ڈی) جیسی کئی عالمی تنظیموں نے چین کے لیے 2023 کی شرح نمو کے تخمینوں پر نظر ثانی کی ہے اور انہیں اگلے سال کے لئے چین کی معاشی توقعات پر اعتماد ہے۔
وانگ نے کہا کہ چین کو وسیع پیمانے پر عالمی معیشت کا سب سے بڑا شراکت دار سمجھا جاتا ہے۔ آئی ایم ایف کی تحقیق میں یہ بات سامنے آئی ہے کہ چین میں تیز رفتار ترقی کے باقی دنیا پر مثبت اثرات مرتب ہوئے ہیں۔ چین کی ترقی میں اوسطاً ایک فیصد پوائنٹ کا اضافہ دیگر معیشتوں کی ترقی میں 0.3 فیصد اضافہ کرے گا۔
وانگ نے اس بات کا ذکر کیا کہ چین کے پاس دنیا میں سب سے بڑی صلاحیت کے ساتھ بڑی منڈی موجود ہے۔ چینی حکومت کی متعارف کردہ اقتصادی پالیسیوں نے معیشت کو مضبوط فروغ دیا ہے۔ مالی اور مالیاتی پالیسیوں کے بہتر نفاذ کی کافی گنجائش موجود ہے۔ انہوں نے کہا کہ چین میں اصلاحات کو وسعت دینے اور ہرشعبے میں کھلے پن سے پائیدار مستحکم معاشی ترقی بارے مضبوط ترغیب ملتی ہے جبکہ دنیا میں سائنسی و تکنیکی انقلاب اور صنعتی تبدیلی کا ایک نیا دور بھی چینی معیشت کو وسیع موقع پیش کرتا ہے۔
چینی ترجمان وانگ نے مزید کہا کہ چین کی ترقی میں منفی عوامل کی نسبت زیادہ سازگار حالات مجموعی طور پر زیادہ ہیں، معاشی بحالی اور مستحکم طویل مدتی سفر کا رجحان تبدیل نہیں ہوا ہے اور اعلیٰ معیار کی ترقی کے لئے درکار سازگار عوامل اور حالات میں اضافہ ہو رہا ہے۔
انہوں نے کہا کہ ہم عالمی کامیابی کے لئے چین آمد پر دنیا بھر کے کاروباری اداروں کا خیرمقدم کرتے ہیں۔
