ایکواڈور کی جیل میں ہنگامہ آرائی سے 14 افراد ہلاک جبکہ متعدد زخمی ہوگئے۔غیرملکی خبررساں ادارے کے مطابق پولیس حکام نے بتایا ہے کہ قیدیوں اور پولیس میں جھڑپوں میں ایک محافظ ہلاک ہوگیا جبکہ متعدد افسران کو یرغمال بنا لیا گیا۔جھڑپ کا آغاز دو گروہوں کے درمیان پرتشدد تصادم سے ہوا، جھڑپ کے دوران کچھ قیدی فرار ہوگئے،13 دوبارہ گرفتار کر لئے گئے۔واضح رہے ایکواڈور کی جیلوں میں ہنگامہ آرائی اور فسادات کے واقعات رونما ہوتے رہتے ہیں، اس سے قبل بھی ایکواڈور کی جیلوں میں کئی بار ہنگامہ آرائی کے واقعات میں درجنوں افراد ہلاک ہوئے ہیں۔

کریڈٹ: انڈیپنڈنٹ نیوز پاکستان-آئی این پی