اٹلی نے غزہ میں اسرائیلی حملوں میں زخمی ہونے والے 100فلسطینی بچوں کا علاج کرانے کا اعلان کردیا،اطالوی وزارتِ دفاع کی جانب سے کہا گیا ہے کہ فلسطینی بچوں اور ان کے اہلخانہ کی اٹلی منتقلی کے لیے آپریشن کا آغاز کردیا گیا ہے، ابتدائی طور پر 30فلسطینی بچے اگلے چند دنوں میں ایئر لفٹ کیے جائیں گے،اطالوی وزارتِ دفاع کے مطابق مزید 30بچے رواں ماہ کے آخر میں ملٹری شپ کے ذریعے اٹلی منتقل کیے جائیں گے، بچوں کی منتقلی کے لیے اطالوی جہاز نیو ولکینو جلد مصری بندرگاہ سے روانہ ہوگا،رپورٹس کے مطابق فلسطینی بچوں کا روم، بولوگنا، فلورنس اور جیناو کے اسپتالوں میں علاج کرایا جائے گا،اٹلی کی جانب سے کہا گیا ہے کہ اس کے علاوہ آرمی فیلڈ اسپتال کے قیام کے لیے علاقائی ممالک سے رابطے میں ہیں،غیرملکی میڈیا کے مطابق  دو روز قبل  7فلسطینی زخمی بچے علاج کے لیے فرانس پہنچا دیے گئے ہیں،غیرملکی میڈیا کے مطابق اس سے قبل دسمبر میں 2فلسطینی زخمی فرانس منتقل کیے گئے تھے۔

کریڈٹ: انڈیپنڈنٹ نیوز پاکستان-آئی این پی