اٹلی کے مشہور آتش فشاں مائو نٹ ایٹنا پر آتش فشاں پھٹ پڑا، سیاہ بادل آسمان پر بلند ہونے لگے، سیاح خوفزدہ ہو کر اپنی جانیں بچانے کے لیے بھاگ نکلے۔حکام کے مطابق آتش فشاں سے کئی کلومیٹر بلند ایک گرم راکھ، گیس اور پتھروں کا بادل فضا میں بلند ہوا جس نے صورتحال کو خطرناک بنا دیا۔سوشل میڈیا پر گردش کرتی ویڈیوز میں دیکھا جا سکتا ہے کہ سیاحوں کی لمبی قطاریں خوف و ہراس میں پہاڑ سے نیچے جا رہی ہیں، ایک ٹور کمپنی کے مالک نے سی این این کو بتایا کہ دھماکے کے وقت میری ٹیم کے 40 افراد ماونٹ ایٹنا پر موجود تھے، ہم بالکل قریب تھے، یہ سب کچھ ایک دم سے ہوا۔سول پروٹیکشن ایجنسی کے مطابق پہاڑ پر موجود تمام سیاحوں اور کوہ پیمائوں کو بحفاظت نکال لیا گیا ہے۔قومی ارضیاتی ادارے نے بتایا کہ لاوے کا بہا ئوکم ہو چکا ہے اور زمین کے جھٹکے معمولی سطح پر آ گئے ہیں۔ماونٹ ایٹنا کو دنیا کے سب سے زیادہ فعال آتش فشاں میں شمار کیا جاتا ہے، لیکن اس شدت کی سرگرمی 2014 کے بعد پہلی بار دیکھی گئی ہے، حکام کے مطابق حالیہ دھماکے کے دوران آتش فشاں کے جنوب مشرقی دہانے کی شمالی دیوار جزوی طور پر منہدم ہوئی ہے، جس سے لاوے کا بہا اور بھی تیز ہو گیا۔حکام کا کہنا ہے کہ اس وقت آبادی کو کوئی خطرہ نہیں ہے، مگر ہم سیاحوں کو ہدایت کرتے ہیں کہ وہ پہاڑ کی چوٹی کے قریب نہ جائیں، کیونکہ صورتحال مزید بگڑ سکتی ہے۔

کریڈٹ: انڈیپنڈنٹ نیوز پاکستان-آئی این پی