ہالینڈ میں نسل پرست اور انتہائی دائیں بازو کے محب وطن یورپین اگینسٹ دی اسلامائزیشن آف دی ویسٹ (PEGIDA) تحریک کے رہنما ایڈون ویگنز ویلڈ کے قرآن پاک پر حملے کے ردعمل کے طور پر، ڈچ ترجمہ کے ساتھ قرآن پاک تقسیم کیا گیا ہے ،ارنہم شہر میں 6مساجد فائونڈیشنز کے مینیجرز نے جانسپلین اسکوائر میں "جلائو مت، پڑھیں" کے نام سے ایک تقریب کا انعقاد کیا، جہاں 13جنوری کو انتہائی دائیں بازو کے ویگنز ویلڈ نے قرآن پاک کو جلانے کی کوشش کی تھی،تقریب میں چوک سے گزرنے والوں کو ڈچ ترجمہ کے ساتھ قرآن پاک بطور تحفہ دیا گیا اور اسلام کے بارے میں بروشرز تقسیم کیے گئے،اس تقریب میں جہاں مذہب اسلام کے بارے میں معلومات فراہم کی گئیں ساتھ ساتھ منہ میٹھا کرنے کے لیے میٹھائی بھی تقسیم کی گئی ،13جنوری کو ارنہم کے جانسپلین اسکوائر میں پیگیڈا تحریک کے رہنما ویگنز ویلڈ کے قرآن پاک نذرِ آتش کرنے کی کوشش کے دوران پولیس اور ایک گروپ کے درمیان جھڑپیں ہوئی تھیں ۔

کریڈٹ: انڈیپنڈنٹ نیوز پاکستان-آئی این پی