واشنگٹن ڈی سی میں روس کے سفیر اناتولی انتونوف نے دعوی کیا ہے کہ امریکا نے ماسکو کے ساتھ انسداد دہشت گردی کے تعاون کو تباہ کر دیا ہے۔سفارت کار نے کہا کہ اس میدان میں مشترکہ کام دونوں ممالک کے درمیان شراکت داری کے کلیدی پہلووں میں شامل تھا۔روسی سفیر کا یہ بیان ماسکو کانسرٹ ہال میں ہونے والے واقعہ کے فوری بعد سامنے آیا ہے جس میں 130سے زائد روسی شہری ہلاک جب 100سے زائد زخمی ہوگئے۔رواں ماہ کے شروع میں ماسکو میں امریکی سفارتخانے نے روسی دارالحکومت میں دہشت گردانہ حملے کے خطرے کے پیش نظر اپنے شہریوں کو بڑے اجتماعات میں شرکت سے خبردار کیا تھا۔7مارچ کے اپنے الرٹ میں امریکی سفارت خانے نے کہا تھا کہ وہ ان رپورٹس کی نگرانی کر رہا ہے کہ انتہاپسندوں کے ماسکو میں بڑے اجتماعات کو نشانہ بنانے کا منصوبہ ہے، جس میں کنسرٹس بھی شامل ہیں۔سفارت خانے نے امریکیوں سے کہا کہ وہ چوکس رہیں اور اپ ڈیٹس کے لیے مقامی میڈیا کی نگرانی کریں۔ماسکو کانسرٹ کے مقام پر دہشت گردوں کے حملے کے چند گھنٹے بعد صحافیوں سے بات کرتے ہوئے وائٹ ہاوس کی قومی سلامتی کونسل کے ترجمان جان کربی نے نشاندہی کی کہ اس ماہ کے شروع میں دی گئی وارننگ کا اس مخصوص حملے سے کوئی تعلق نہیں تھا۔

کریڈٹ: انڈیپنڈنٹ نیوز پاکستان-آئی این پی