امریکی صدر جوبائیڈن نے ریاست مشی گن میں ڈیموکریٹک صدارتی پرائمری انتخابات میں کامیابی حاصل کرلی لیکن نتائج سے ظاہر ہوتا ہے کہ انہیں غزہ پر اسرائیل کی جنگ کی حمایت پرمخالفت کا سامنا کرنا پڑا،قطری نشریاتی ادارے کی رپورٹ کے مطابق مشی گن(جہاں عرب نژاد امریکیوں کی بہت بڑی تعداد آباد ہے)غزہ میں اسرائیلی جنگ کے حوالے سے پالیسی پر یہاں کے ڈیمو کریٹس اور خصوصا عرب امریکیوں میں خاصی ناراضگی موجود ہے۔صدر جوبائیڈن جنہیں دوسری بار صدراتی انتخاب میں منظوری لینے کے لیے اگرچہ کسی بڑے مسئلے کا سامنا نہیں کرنا پڑا ہے مگر مشی گن میں مشکلات کا خطرہ درپیش ہے۔ایڈیسن ریسرچ کے مطابق ابتدائی گنتی میں بائیڈن کو ڈیموکریٹک ووٹروں میں 79فیصد حمایت حاصل تھی جبکہ 16فیصد شہریوں نے کسی کو ووٹ نہیں دیا۔27فروری کے پرائمری انتخابات کے موقع پر سرگرم کارکنوں کی مشی گن کے رہائشیوں نے احتجاج کے طور پر جوبائیڈن کو غیر پابند ووٹ دینے کی اپیل کی گئی تاکہ جوبائیڈن پر اسرائیل سے متعلق پالیسی کے سبب دبائو ڈالا جا سکے اور انہیں فوری جنگ بندی کے لیے مجبور کریں،مشی گن میں ڈیموکریٹک صدارتی پرائمری انتخابات میں 14فیصد ووٹوں کی گنتی کے ساتھ20ہزار سے ذائد لوگوں نے غزہ پر اسرائیل کی جنگ کی مخالفت کرتے ہوئے بائیڈن کے خلاف احتجاجا غیر پابند ووٹ دیا۔مشی گن کے آنے والے 5نومبر کے امریکی صدارتی انتخابات انتہائی اہمیت کے حامل ہیں، جہاں بائیڈن اور ٹرمپ کے درمیان دوبارہ سخت مقابلہ متوقع ہے۔یاد رہے کہ سال 2020کے انتخابات میں مشی گن میں جوبائیڈن نے ڈونلڈ ٹرمپ کو محض 2.8فیصد پوائنٹس سے شکست دی تھی۔

کریڈٹ: انڈیپنڈنٹ نیوز پاکستان-آئی این پی