امریکی ریاست ایریزونا کے شمالی علاقے کوکونینو کانٹی میں ایک شہری طاعون (پلیگ) کی بیماری کے باعث ہلاک ہو گیا۔ غیرملکی خبررساںادارے کے مطابق حکام نے تصدیق کی کہ متاثرہ شخص نیو مونک پلیگ کا شکار ہوا تھا جو اس بیماری کی مہلک ترین اور آسانی سے پھیلنے والی قسم سمجھی جاتی ہے۔یہ 2007 کے بعد امریکا میں نیو مونک پلیگ سے ہونے والی پہلی ہلاکت ہے۔امریکا میں ہر سال طاعون کے اوسطا 7 کیسز رپورٹ ہوتے ہیں جن میں زیادہ تر مغربی ریاستوں سے تعلق رکھتے ہیں۔پلیگ کو عام طور پر بلیک ڈیتھ کے نام سے جانا جاتا ہے جس نے 14ویں صدی میں یورپ میں کروڑوں جانیں لی تھیں۔ صرف 1346 سے 1353 کے درمیان یہ بیماری یورپ، مشرق وسطی اور افریقا کی 60 فیصد آبادی کو نگل گئی تھی تاہم آج یہ مرض قابل علاج ہے۔امریکا میں طاعون نے آخری مرتبہ 1924 سے 1925 کے دوران لاس اینجلس میں وبائی صورت اختیار کی تھی۔

کریڈٹ: انڈیپنڈنٹ نیوز پاکستان-آئی این پی