پاکستان کے منو توڑ جواب پر بھارت میں خوف و ہراس پھیل گیا،بھارت کی مشرقی ریاست پنجا ب کے ضلع امرتسر کے نواحی گاوں جیتھووال میں جمعرات کے روز ایک میزائل کا مشتبہ حصہ ملنے پر شدید خوف و ہراس پھیل گیا۔ مقامی افراد نے میزائل کے اس حصے کو کھیتوں میں پڑا ہوا دیکھا اور فوری طور پر پولیس کو اطلاع دی۔پولیس حکام کا کہنا ہے کہ فی الحال یہ معلوم نہیں ہو سکا کہ میزائل کا یہ ٹکڑا بھارتی میزائل کا ہے یا پاکستانی۔امرتسر دیہی کے سینئر سپرنٹنڈنٹ آف پولیس منیندر سنگھ کے مطابق علاقے میں کسی دھماکے یا زمین پر میزائل ٹکرانے کے شواہد نہیں ملے، تاہم میزائل جیسا ایک دھاتی ٹکڑا ضرور ملا ہے جسے فرانزک ٹیم نے اپنی تحویل میں لے کر تحقیقات شروع کر دی ہیں۔دوسری جانب سوشل میڈیا پر امرتسر کے قریبی ہوائی اڈے کے اطراف رات کے وقت دھماکوں کی ویڈیوز اور راکٹوں کے آسمان میں سفر کرنے کی فوٹیج گردش کر رہی ہے۔

رپورٹ کے مطابق بھارتی میڈیا نے امرتسر کے رہائشیوں کے بیانات شائع کیے ہیں جنہوں نے یکے بعد دیگرے کئی زور دار دھماکوں کی آوازیں سننے کا دعوی کیا ہے۔اسی رپورٹ کے مطابق امرتسر کی ضلعی انتظامیہ نے سیکیورٹی وجوہات کی بنا پر بعض علاقوں میں بلیک آئوٹ بھی کردیا۔ رپورٹ کے مطابق امرتسر کے علاقے شری ہر مندرصاحب میں مکمل بلیک آئو ٹ ہے۔ذرائع کے مطابق امرتسر انتظامیہ کی جانب سے ہدایات جاری کی گئی ہیں کہ شہری گھروں میں رہیں اور باہر کی لائٹیں بند رکھیں جبکہ بھارتی پنجاب میں متعدد مقامات پر سائرن بجا کر عوام کو محتاط رہنے کے احکامات جاری کیے گئے ہیں۔ذرائع نے بتایا کہ پاکستان کے جواب پر بھارت میں خوف و ہراس پھیل گیا، امرتسر، لدھیانہ ، گورداسپور، پٹیالہ، پٹھان کوٹ، برنالہ اور موہالی میں اندھیرے کا راج ہے۔علاوہ ازیں ذرائع کا یہ دعوی بھی سامنے آیا ہے کہ بھارتی پنجاب میں متعدد مقامات پر موک ڈرلز ، بلیک آئو ٹ ریہرسلز بھی جاری ہیں۔

کریڈٹ: انڈیپنڈنٹ نیوز پاکستان-آئی این پی