اسرائیل میں اپوزیشن رہنما یائر لیپڈ نے حکومت پر الزام لگایا ہے کہ وہ بغیر کسی حکمت عملی کے بہت کم فوجیوں کو جنگ میں بھیج رہی ہے۔عبرانی زبان میں اپنے ویڈیو بیان میں یائر لیپڈ نے دعوی کیا کہ اسرائیل کی فوج اپنی زیادہ سے زیادہ صلاحیت تک پہنچ چکی ہے اور حکومت میدان جنگ میں فوجیوں کا خون بہنے دے رہی ہے۔انھوں نے مزید کہا کہ حکومت حکمتِ عملی اور ضروری وسائل کے بغیر اور بہت کم فوجیوں کو ایک بڑے محاذ جنگ میں بھیج رہی ہے۔ ریزرو فوجی تھک چکے ہیں اور اب وہ ہمارے سکیورٹی چیلنجز کا مقابلہ کرنے کے قابل نہیں ہیں۔یائر لیپڈ نے حکومت سے الٹرا آرتھوڈوکس حریدیم یہودیوں کو بھی فوج میں بھرتی کرنے کا مطالبہ کیا۔ یہ یہودیوں کو وہ گروہ ہے جو مذہب کے قریب سمجھے جاتے ہیں اور سنہ 1948 کے بعد سے ہی انھیں لازمی فوجی خدمات سے مستثنی رکھا گیا ہے۔یائر لیپڈ کا یہ بیان ایسے وقت میں سامنے آیا ہے جب اسرائیلی میڈیا کے مطابق فوج کے سربراہ جنرل ایال زمیر نے خبردار کیا تھا کہ اسرائیلی فوج ٹوٹنے کے قریب ہے۔

کریڈٹ: انڈیپنڈنٹ نیوز پاکستان-آئی این پی