بھارتی ریاست مہارا شٹر میں ایک نوجوان عورت نے ایک بس میں بچے کو جنم د ینے کے بعد اسے بس کی کھڑکی سے باہر پھینک دیا۔بھارتی میڈیارپورٹس کے مطابق یہ واقعہ مہاراشٹرا کے شہر پربھانی میں پیش آیا جہاں ایک جوان سالہ ریتیکا نامی عورت اوراس کے ساتھ ایک شخص، پونے سے پربھانی جا رہے تھے۔ دوران سفر اس نے بس میں ہی بچے کو جنم دیا۔ مگر اس کے بعد دونوں نے بے دردی سے بچے کو ایک کپڑے میں لپیٹ کر بس کی کھڑکی سے باہر پھینک دیا۔بس کے ڈرائیور نے جب دیکھا کہ کچھ باہر پھینکا گیا ہے تو اس نے ساتھ بیٹھے ہوئے شخص سے اس بارے میں پوچھا۔ اس نے بتایا کہ اس کی بیوی ریتیکا کو سفر کے دوران الٹیاں ہو رہی تھیں اور اس نے بچے کو باہر پھینکنے کی کوئی وجہ نہیں بتائی۔ تاہم، اس دوران ایک شہری نے جو سڑک پر تھا، بچے کو دیکھ لیا اور فوری طور پر پولیس کو اطلاع دی۔پولیس نے فوری طور پر کارروائی کرتے ہوئے بس کو روکا اور بس کے اندر تفتیش کی۔ ابتدائی تحقیقات کے دوران، دونوں نے اعتراف کیا کہ انہوں نے بچے کو اس لیے پھینکا کیونکہ وہ اس کی پرورش کرنے کے قابل نہیں تھے۔ پولیس نے دونوں کو حراست میں لے لیا اور ریتیکا کو علاج کے لیے ہسپتال منتقل کیا۔پولیس نے دونوں کے درمیان ازدواجی تعلقات کی کوئی مستند دستاویزات نہ ہونے کے باوجود انہیں گرفتار کرکے، بچے کو پوشیدہ طریقے سے قتل کرنے اور لاش کو چھپانے کا کیس درج کرلیا۔

کریڈٹ: انڈیپنڈنٹ نیوز پاکستان-آئی این پی