بنگلہ دیش نیشنلسٹ پارٹی(بی این پی ) کی چیئرپرسن اور سابق وزیرِاعظم خالدہ ضیا کو طبیعت ناساز ہونے کے باعث ڈھاکا کے اسپتال میں داخل کرا دیا گیا۔خالدہ ضیا کی میڈیکل ٹیم کے رکن اور ذاتی معالج پروفیسر اے زیڈ ایم زاہد حسین نے میڈیا سے گفتگو میں بتایا کہ یہ فیصلہ خالدہ ضیا کے علاج کیلئے تشکیل شدہ میڈیکل بورڈ کی سفارش پر کیا گیا ہے۔ذاتی معالج کا کہنا ہے کہ سابق وزیر اعظم کی ٹیسٹ رپورٹس کا جائزہ لینے کے بعد میڈیکل بورڈ اگلے اقدامات کا فیصلہ کرے گا۔خیال رہے کہ 79 سالہ سابق بنگلہ دیشی وزیرِ اعظم کو اس سے قبل 15 اکتوبر کو معمول کے طبی معائنے کیلئے اسپتال لایا گیا تھا، جہاں ضروری ٹیسٹوں کے بعد اگلے دن انہیں گھر منتقل کر دیا گیا تھا۔بنگلہ دیشی میڈیا کے مطابق خالدہ ضیا گزشتہ کئی برسوں سے متعدد پیچیدہ بیماریوں کا شکار ہیں۔

کریڈٹ: انڈیپنڈنٹ نیوز پاکستان-آئی این پی