بنگلا دیش فضائیہ کے تربیتی طیارے کے ہائی اسکول کیمپس پر گرنے کے حادثے میں ہلاکتوں کی تعداد 27 ہوگئی۔سرکاری حکام کے مطابق گزشتہ روز پیش آنے والے ایف-7 تربیتی طیارہ حادثے میں ہلاک ہونے والوں میں 25 طلبہ اور طیارے کا پائلٹ بھی شامل ہے۔حکام نے بتایا کہ حادثے میں 170 کے قریب افراد زخمی بھی ہوئے ہیں جن میں طلبہ کی بڑی تعداد شامل ہے، ان کی عمریں 12 سے 16 سال کے درمیاں ہیں۔ فوجی ترجمان کا کہنا ہے کہ ٹیک آف کے فورا بعد طیارے میں تکنیکی خرابی پیدا ہوئی، پائلٹ نے طیارے کو آبادی سے دور لے جانے کی کوشش کی مگر وہ کامیاب نہ ہو سکا۔بنگلادیشی حکام کا کہنا ہے کہ حادثے کی تحقیقات کے لیے سرکاری سطح پر کمیٹی قائم کر دی گئی ہے۔

کریڈٹ: انڈیپنڈنٹ نیوز پاکستان-آئی این پی