برازیل کی ریاست میناس گیریس میں ایک انجن والا چھوٹا طیارہ پرواز بھرنے کے کچھ دیر بعد ہچکولے کھاتے ہوئے پہاڑی علاقے میں ایک آبشار کے نزدیک گر کر تباہ ہوگیا،عالمیمیڈیا کے مطابق مسافر بردار طیارے نے برازیل کی ریاست سا پالو کے شہر کیمپیناس سے پڑوسی ریاست میناس گیریس کے لیے اڑان بھری تھی تاہم طیارے کا رابطہ کنٹرول ٹاور سے منقطع ہوگیا تھا،سرچ آپریشن کے دوران جہاز ملبہ کان کنی کے لیے مشہور ایک پہاڑی علاقے میں آبشار کے نزدیک مل گیا۔ یہ علاقہ درختوں اور جھاڑیوں سے بھرا ہوا تھا۔ طیارے سے 7لاشیں برآمد ہوئیں،ہلاک ہونے والے ایک ہی خاندان سے تعلق رکھتے تھے اور سیاحت کے لیے نکلے تھے۔ برازیل میں سیاحت کے لیے ایمازون کے جنگلات جانے والے طیاروں کے حادثات عام ہیں۔

کریڈٹ: انڈیپنڈنٹ نیوز پاکستان-آئی این پی