لوگوں کے طنزیہ جملوں سے تنگ آ کر موٹاپے میں کمی کیلئے سرجری کرانے والی برطانوی خاتون جان سے ہاتھ دھو بیٹھی،غیرملکی میڈیا رپورٹس کے مطابق 20سالہ مارگن ریبریو کو کئی برس تک ان کے وزن کی وجہ سے مذاق اڑائے جانے کا سامنا رہا جس کے بعد انہوں نے ترکیہ میں آپریشن کرانے کا فیصلہ کیا تھا، آپریشن سے قبل مارگن نے ایک ٹک ٹاک پوسٹ میں لکھا تھا کہ وزن کم کرنے کے آپریشن سے قبل میری آخری پوسٹ، ملتے ہیں اگلی دنیا میں۔مارگن ریبریو رواں ماہ کے آغاز میں اپنے پارٹنر کے ساتھ اڑھائی ہزار پانڈز سے ہونے والی گیسٹرک سلیو سرجری کیلئے ترکیہ پہنچی تھیں تاکہ لمبے انتظار سے بچا جا سکے، آپریشن کے تمام معاملات طے پا جانے کے بعد انہیں 5جنوری کو واپس جانے کی اجازت دے دی گئی۔گھر واپسی پر پرواز کے دوران مارگن ریبریو کی طبیعت اچانک بگڑ گئی اور سیپٹک اٹیک کا شکار ہو گئی، طبیعت زیادہ خراب ہونے پر جہاز نے سربیا میں ہنگامی لینڈنگ کی جہاں ڈاکٹرز کو یہ معلوم ہوا کہ ان کی ایک آنت کٹ گئی ہے جس کی وجہ سے ان کی موت واقع ہو گئی،مارگن ریبریو کی والدہ 44سالہ ایرین گبسن نے صحافیوں کو بتایا کہ اپنی زندگی کے دوران مارگن کو بے تحاشا مذاق کا نشانہ بنایا گیا، وہ اپنے وزن کو کم کرنے کیلئے کوشاں رہی اور بہت مشکل وقت گزارا، اپنی بیٹی کی میت گھر لانے کیلئے 10ہزار پائونڈز اکٹھے کر رہی ہوں،واضح رہے کہ گیسٹرک سلیو سرجری زیادہ فربہ افراد کا وزن کم کرنے کیلئے آفر کی جاتی ہے جس میں معدے کا کچھ حصہ کاٹ دیا جاتا ہے جس کا مقصد بھوک میں کمی لانا ہوتا ہے۔

کریڈٹ: انڈیپنڈنٹ نیوز پاکستان-آئی این پی