برطانوی وزیراعظم رشی سونک نے خبردار کیا کہ برطانیہ میں مسلسل احتجاج جمہوریت کیلئے خطرہ ہے۔ لی اینڈرسن نے کہا تھا کہ مسلمانوں نے میئر لندن صادق خان کے ذریعے لندن پر قبضہ کر لیا ہے ، بعدازاں صادق خان نے برطانوی وزیراعظم اور ان کی کابینہ پر تنقید کرتے ہوئے کہا کہ رشی سونک کی خاموشی متنازع بیان کیدفاع کے مترادف ہے۔ لی اینڈرسن کے نفرت انگیز بیان پر رشی سونک نے کسی قسم کا تبصرہ نہیں کیا تاہم گزشتہ روز انہوں نے فلسطینیوں کے حق میں بولنے والوں کے خلاف اور ارکان پارلیمنٹ کے تحفظ سے متعلق گفتگو کی۔ انہوں نے برطانیہ میں احتجاج اور فلسطینیوں کے حق میں مظاہرے کرنے والوں پر الزام عائد کیا کہ برطانیہ میں انتہا پسند گروپ ہمیں الگ کرنے کی کوشش کر رہے ہیں، حماس کیحق میں بولنے والوں سے لڑنے کا وقت آگیا ہے، ملک میں کسی تشدد اور دھمکیوں کی اجازت نہیں دی جائیگی۔ برطانوی وزیراعظم کاکہنا تھا کہ برطانیہ میں فلسطین کے حق میں بولنے والوں کیخلاف کریک ڈان کیا جائیگا اور نفرت پھیلانے والوں کیویزے منسوخ کردیے جائیں گے۔

کریڈٹ: انڈیپنڈنٹ نیوز پاکستان-آئی این پی