روس اور چین کے درمیان چاند پر نیوکلیئر پاور سٹیشن تعمیر کرنے کا معاہدہ طے پاگیا۔عالمی میڈیا رپورٹ کے مطابق دونوں ممالک کی جانب سے دستخط کئے گئے، معاہدے کے مطابق روسی ری ایکٹر کو انٹرنیشنل لونر ریسرچ سٹیشن (آئی ایل آر ایس) چلانے کے لئے استعمال کیا جائے گا، جس پر دونوں ممالک مشترکہ طور پر کام کر رہے ہیں۔اس خلائی بیس کی تکمیل 2036 تک متوقع ہے جبکہ اس ڈیل کی خبر ایک ایسے موقع پر سامنے آئی ہے جب امریکا کی اپنی لونر بیس کا منصوبہ غیر یقینی کا شکار ہے۔گزشتہ برس روسی خلائی ادارے روس کوسموس کے چیف یوری بوریسوف نے ایک انٹرویو میں کہا تھا کہ چینی، روسی ری ایکٹر کی تعمیر انسانوں کی موجودگی کے بغیر خودکار طریقے سے انجام پائے گی۔چین نے آئی ایل آر ایس پروگرام میں پاکستان، مصر، وینزویلا، جنوبی افریقا، تھائی لینڈ اور آذربائجان سمیت 17 ممالک کو ساتھ شامل کرنے پر اتفاق کیا ہے۔

کریڈٹ: انڈیپنڈنٹ نیوز پاکستان-آئی این پی