امریکی صدر ڈونلڈ ٹرمپ نے کہا ہے کہ غیر منصفانہ تجارتی توازن پر کوئی بھی ملک ٹیرف سے نہیں بچے گا ، ایران سے متعلق فیصلہ جلد کریں گے۔غیرملکی خبررساںادارے کے مطابق ایک بیان میں امریکی صدر نے کہا کہ ٹیرف سے خاص طور پر چین نہیں بچے گا ، موبائل فونز پرٹیرف کا اعلان جلد کریں گے لیکن اس میں تھوڑی لچک ہو گی۔ انہوں نے کہا کہ سیمی کنڈکٹر ٹیرف پرکچھ کمپنیوں کے لییلچک ہو گی لیکن ابھی یہ واضح نہیں تاہم سیمی کنڈکٹرز پر ٹیرف کی شرح کا اعلان اگلے ہفتے کریں گے۔اس سے قبل چین نے امریکا سے مطالبہ کیا تھا کہ وہ جوابی ٹیرف کی پالیسی کو مکمل طور پر ختم کرے ، امریکا نے چینی مصنوعات پر 145 فیصد جبکہ چین نے امریکی مصنوعات کی درآمد پر 125 فیصد ٹیرف عائد کر رکھا ہے۔

کریڈٹ: انڈیپنڈنٹ نیوز پاکستان-آئی این پی